Андрей Карпович «Елімай» ФК бас бапкері лауазымынан кетті
Семейлік «Елімайдың» бас бапкері Андрей Карпович екіжақты келісіммен қызметінен кетті. Бапкердің міндетін уақытша атқарушы болып жастар құрамының бапкері Серікбек Қаппаров тағайындалды.
Андрей Карпович «Елімай» ФК бас бапкері лауазымынан кетті
Семейлік «Елімай» футбол клубы бас бапкер Андрей Карповичпен келісімшарттың екі жақтың келісімі бойынша бұзылғанын ресми түрде жариялады. Онымен бірге жаттықтырушылар штабынан ассистент Фёдор Симиниди де кетеді.
Андрей Карпович команданы 2023 жылдың қараша айынан бастап басқарды. Оның жетекшілігімен «Елімай» Премьер-лигада тұрақтап қана қоймай, үлкен жетістікке жетті: 2025 жылғы маусымның қорытындысы бойынша семейліктер 4-орын алып, 2026 жылдың шілдесінде УЕФА Конференция лигасында (армениялық «Алашкертке» қарсы) алғаш рет бақ сынады. Клуб мамандарға атқарған жұмысы мен команданың дамуына қосқан үлесі үшін алғыс білдірді.
Бас бапкердің міндетін уақытша атқарушы болып бұған дейін «Елімайдың» жастар құрамымен жұмыс істеген Серікбек Қаппаров тағайындалды. Команда маусымның қорытынды кездесуін Көкшетаудың «Оқжетпесіне» қарсы оның бастауымен өткізеді. Ойын 31 қазанда Семейдегі «Спартак» стадионында өтеді.
Дереккөз: «Елімай» ФК баспасөз қызметіне сілтеме жасаған NUR.KZ ақпараттық порталы.
Сіздің реакцияңыз қандай?
Ұнайды
0
Ұнамайды
0
Махаббат
0
Күлкілі
0
Мәссаған
0
Жылау
0
Ашулы
0
TVK-6.kz
Internet News
Пікірлер (0)